ಜೋರು ಬರ್ಸ ಒಂಜಿ ಕಡೆಟ್ಟ್. ಬೇಸಾಯದ ಗೌಜಿ ಬುಕ್ಕೊಂಜಿ ಬರಿಟ್ಟ್. ಆಯಾಸ. ಬಚ್ಚೆಲ್.ಅಂಚ ಉಪ್ಪುನಗ ಕೊಸಿ ಬೋಡತ್ತೆ.

ಊರುದ ಜನಕ್ಕುಲು ಒಟ್ಟಾದ್ ಒಂತೆ ನಲಿಪ್ಪುನ ಗೊಬ್ಬುನ ಒಂತೆ ಕೊಸಿ ಕೊರ್ಪುಂಡು.

ಜಾತಿ ಧರ್ಮ ಬೇಧ ಬುಡ್ತು ಒಟ್ಟಾದ್ ಒಂತೆ ಪೊರ್ತು ಕಲೆಪ್ಪುನ ಒಂಜಿ ಆನಂದದ ಕ್ಷಣ. ಅವು ಆಟಿಡ್ ಅನಿವಾರ್ಯ.

ದುಂಬು ತುಳು ನಾಡ್ ಡು ಮೂಲ ತುಳುವೆರೇ. ಅಪ್ಪೆನ ಕುಟುಂಬ ಪ್ರಧಾನ ಕೂಡು ಕುಟುಂಬ ಇತ್ತುಂಡುಗೆ‌.

ಮಸ್ತ್ ಜನ ಪೂರಾ ಇಲ್ಲಲ್. ಬೊಕ್ಕೊ ಬೇತೆ ಜಾತಿದಾಕ್ಲುಲಾ ನಮ್ಮ ನಾಡ್ ಗು ಬತ್ತೇರ್. ಪೂರಾ ಒಟ್ಟಾದ್ ಬದುಕುನ ಒಂಜಿ ಕೊಸಿ ಬೇತೆ.

ಸೆಕೆಗಾಲ ತೀರ್ದ್ ಮರಿಯಾಲ ಸುರು ಆನಗ ಬೇಸಾಯದ ಗಡಿಬಿಡಿ.

ಕಾರ್ತೆಲ ಪಂಡ ಕಾರ್ ತಿಂಗೊಳುಡು ನಾಟಿದ ಗೌಜಿ.

ಬರ್ಸದ ಅಬ್ಬರ‌

ಇಲ್ಲ್ ಮುಳಿ ಬೊಕ್ಕೊ ಚಳಿ.

ಜೋರುದ ಬರ್ಸೊಗ್ ಶೀತ ಜ್ವರ ಕಾಯಿಲೆ.

ಅದಗ ಇಂದು ಕಮ್ಮಿ ಆಯೆರ ಮರ್ದಲಾ ಆವೊಡು ಆಹಾರೊಲಾ ಆವೊಡು ಅಂಚಿತ್ತನ ತೆನಸು ಬೋಡಾಪುಂಡು.

ಅಂಚ ಬೇತೆ ಬೇತೆ ಮರಿಯಾಲದ ತಿನಸು ಅಡ್ಯೆ ಅಭ್ಯಾಸೊಗು ಬತ್ತುಂಡುಗೆ.

ಅವತ್ತಂದೆ ಬೇಸಗೆದ ಇಲ್ಲದುಳಾಯಿತ ಆಹಾರ ಮುಗಿತ್ತುಂಡು. ಪೊಸ ಬೆಳೆ ಆವೊಡಾತೆ.ಇಲ್ಲಲ್ ದಾಲಾ ಇಜ್ಜಿ ಉಣಿಯೆರೆ.

ಹವಾಮಾನ ಇಡೀ ಹಾಳಾಪುಂಡು.

ತಾನಾದೆಗೇ ಬುಳೆಯಿನ ನೆಟ್ಟಿಯೇ ಗತಿ.

ಕೆಸು ದಂಟು ಪಲ್ಯ ಪದಾರ್ಥ

ನುಗ್ಗೆ ಸೊಪ್ಪುದ ಪಲ್ಯ

ಪೆಲ ಪೆಲತ್ತ ಬೀಜ ಪಲ್ಯ

ತಿಮರೆ ಚಟ್ನಿ

ಚಗಚೆ ಪಲ್ಯ

ಕಿರಾತ ಕಡ್ಡಿದ ಕಷಾಯ

ಇಟ್ಟಯಿ ಗಿಡತ್ತ ಚಿಗುರು ಮರ್ದ್.

ಉಪ್ಪು ನೀರುಡು ಪಾಡಿನ ಕುಕ್ಕು

ಉಪ್ಪು ತೊಳೆ ಕಜಿಪು

ಪೆಜಕಾಯಿ ಸಾಂಬಾರ್

ಉಪ್ಪಡ್ ಪಚ್ಚಿಲ್.ಕುಕ್ಕು ಉಪ್ಪಾಡ್

ಕರಂಡೆ ನೆಲ್ಲಿ ಅಂಬಟೆ ಬೀಂಬುಳಿ ಚಲ್ಲಂಗಾಯಿ

ಕಜಿಪ್ಪುಲು.

ಕಣಿಲೆ ಪಲ್ಯ

ಕಿರೆಂಗ್ ಪದಾರ್ಥ

ಪುಳಿ ಸಾರ್

ಸಾಸಮೆ ಗಂಜಿ

ಅರ್ತಿ ಕೆತ್ತೆದ ಗಂಜಿ

ಸನ್ಯಾಸಿ ಕಂಡೆ ಗಂಜಿ

ಮೆತ್ತೆ ಗಂಜಿ

ಕುಡು ಸಾರ್ ಗಂಜಿ

ಒಲ್ಲೆಕೊಡಿ ರಸ ಕಷಾಯ

ಇಂಚಿತ್ತಿನ ತರಾವಳಿ ತೆನಿಸ್‌ .ಅವು ಮರ್ದ್ ಲಾ ಆಯಿ ಕಾರಣ ಅನುಕೂಲ ಆಪುಂಡು.

ಆಟಿ ಆಮಾಸೆ ವಿಶೇಷ

ಪಾಲೆ ಕೆತ್ತೆ ಕಷಾಯ. ಕಾಂಡೆ ಕಲ್ಲ್ ಡೇ ಮರದ  ಕೆತ್ತೆ ದೆತ್ತ್ ದ್ ಶುಂಠಿ ಬೆಲ್ಲ ಎಡ್ಡೆ ಮುನ್ಚಿಬೆಳ್ಳುಳ್ಳಿ ಪಾಡ್ ದ್ ಕಷಾಯ ಮಲ್ತ್ ದ್ ಬೆಳ್ಕಲ್ಲ್ದ ಒಗ್ಗರಣೆ ಕೊರ್ತು‌ಪರೊಡು. ವಾ ಕಾಹಿಲೆಲಾ ಬರ್ಪುಜ್ಜಿಗೆ.

ಅಂಚನೇ

ಕೇನೆ ಪುಂಡಿ

ಕಿರಂಬುನ ಕಂಡೆ

ಮೆತ್ತೆ ಗಂಜಿಲ ಉಣೊಡು.

ಮಾರಿ ಬಲಿಪ್ಪಾವುನೆ : ಮಾರಿ ಬೇನೆ ಮಲೇರಿಯಾ ಪೂರ ಬರಂದಿ ಲೆಕ್ಕ ಮಾರಿನ್ ಗಡೀಪಾರು ಮಲ್ಪುನ ಒಂಜಿ ಕಟ್ಟಳೆ.

ತಾರಾಯಿ ಗೊಬ್ಬು

ಚೆನ್ನೆದ ಗೊಬ್ಬು

ಆಟಿ ಕಳೆಂಜ ಪೂರಾ ಆಟಿಡೇ.

ಪೊನ್ನುಲು ಅಪ್ಪೆ ಇಲ್ಲಡೆ ಪೋಪಿನ ಆಟಿ ಕುಲ್ಲನೆ ಪನ್ಪೇರ್.ಆಟಿಡ್ ಕಂಡಣಿಯನೊಟ್ಟುಗು ಇತ್ತ್ಂಡ ಬಂಜಿ ಬತ್ತ್ಂಡ ಸುಗ್ಗಿ ಸಮಯೊಡ್ ಪೆದ್ಮೆದಿ ಕಷ್ಟ ಪನ್ಪಿನವುಲಾ ಒಂಜಿ ಕಾರಣ ಪನ್ಪೇರ್.

ಕಂಡೊಗು ಕಾಯೆರ್ದ ಗೆಲ್ಲು ಊರ್ ದ್ ಕ್ರಿಮಿ ಬಾದೆ ತಪ್ಪಾವೆರ್ ಗೆ.

ಅಂಚನೆ ನಾಗ ಪಂಚಮಿ

ಅಷ್ಟಮಿ

ಚೌತಿ

ಪಿರ ಪಿರನೇ ಬರ್ಪುಂಡು.

ಅವು ಪೂರಾ ಸಂಪರ್ಕ ಸಹಜೀವನದ ಸಾದಿಲು.

ಪೂರಾ ಜನ ಸೇರ್ದು ನಲಿತ್ತ್ ಪಾಡ್ದನ ಪಂಡ್ ತ್ ನಲಿಪುನ ಆಟಿ ಪಂಡ ತುಳುವೆರೆಗ್ ಸಂಭ್ರಮ.


ಮಕರ ಪೊನ್ನಿ ಜನವರಿ೧೪

ಮಾಯಿ ಮಾಯಿ ಫೆಬ್ರವರಿ

ಸುಗ್ಗಿ ಸುಗ್ಗಿ ಮಾರ್ಚಿ

ಪಗ್ಗು ಪಗ್ಗು ಎಪ್ರಿಲ್

ಬೇಷ ಬೇಶ ಮೇ

ಕಾರ್ತೆಲ್ ಕಾರ್ತೆಲ್ ಜೂನ್

ಆಟಿ ಆಟಿ ಜುಲೈ

ಸೋಣ ಸೋಣ ಆಗಸ್ಟ್

ಕನ್ಯ  ನಿರ್ನಾಲ್  ಸೆಪ್ಟೆಂಬರ್

ದೀಪೊಲಿ   ಬೊಂತೆಲ್  ಅಕ್ಟೋಬರ್

ಕೊಡಿ  ಜಾರ್ದೆ  ನವಂಬರ್

ದನು ಪೆರಾರ್ದೆ ದಶಂಬರ

ಇಂಚ ತುಳು ಮಾಸ ಬರ್ಪುಂಡು.ಮದ್ಯದ ಕಾಲೊನೇ ಆಟಿ. ಅವೇ ಮಲ್ಲ‌ಮರಿಯಾಲ.

ಅಂಚ ಬೆಚ್ಚ ಕಾಯ್ಪೆರ ಆಟಿ ಸಂಬ್ರಮ ಮಾಂತೆರೆಗ್ ಲಾ ಅನಿವಾರ್ಯ ನೇ ಆಪುಂಡು.