ಬಂಟ್ವಾಳ, ಸಿದ್ದಕಟ್ಟೆ:  ಗುಣಶ್ರೀ ವಿದ್ಯಾಸಂಸ್ಥೆಯ ವಾರ್ಷಿಕ ಕ್ರೀಡೆಯು ನವೆಂಬರ್ 29 ರಂದು ವೀರಭದ್ರ ಮಹಮ್ಮಾಯಿ ದೇವಸ್ಥಾನದ ಕ್ರೀಡಾಂಗಣದಲ್ಲಿ ನೆರವೇರಿಸಲಾಯಿತು. ಅತಿಥಿಗಳನ್ನು ಶಾಲಾ ವಿದ್ಯಾರ್ಥಿಗಳು ಶಬ್ದದ ಘೋಷದೊಂದಿಗೆ ವೇದಿಕೆಗೆ ಕರೆತಂದರು.

ಮೊದಲಿಗೆ ವಿದ್ಯಾರ್ಥಿಗಳು ಪಥ ಸಂಚಲನಾ ಮಾಡಿ ಅತಿಥಿಗಳಿಗೆ ಗೌರವ ಸಲ್ಲಿಸಿದರು.  ಶಿಕ್ಷಕಿ ಜೋಯ್ಸ್ ಅವರು ಕಾರ್ಯಕ್ರಮವನ್ನು ನೀರೂಪಣೆ ಮಾಡಿದರು. ತುಳಸಿ ಅವರು ಸ್ವಾಗತಿಸಿದರು. ವಿದ್ಯಾರ್ಥಿಗಳಿಂದ ಪ್ರಾರ್ಥನೆಯ ಮೂಲಕ ಕಾರ್ಯಕ್ರಮ ಆರಂಭಗೊಂಡಿತು. ನಂತರ ದೀಪ ಬೆಳಗಿಸಿ ಹಾಗೂ ಆಕಾಶ ಬುಟ್ಟಿ ಹಾರಿಸುವ ಮೂಲಕ ಕಾರ್ಯಕ್ರಮಕ್ಕೆ ಚಾಲನೆ ಕೊಟ್ಟರು. 

ಅಧ್ಯಕ್ಷರಾದ  ಬಿ. ನಾಗರಾಜ್ ಶೆಟ್ಟಿ ಅವರು ಎಲ್ಲರನ್ನು ಅಭಿನಂದಿಸಿದರು.  ದಯಾನಂದ ಶೆಟ್ಟಿ ಮಕ್ಕಳಿಗೆ ಹಿತ ನುಡಿ ನೀಡಿದರು. ಸಭಾಕಾರ್ಯಕ್ರಮ ಮುಗಿದ ನಂತರ ವಿದ್ಯಾರ್ಥಿಗಳಿಂದ ವಿಶಿಷ್ಟ ಶೈಲಿಯ ಕಸರತ್ತು ಪ್ರದರ್ಶಿಸಿದರು. ಪದವಿ ಪೂರ್ವ ಕಾಲೇಜಿನ ವಿದ್ಯಾರ್ಥಿಗಳು ವ್ಯಾಯಾಮ ನೃತ್ಯ ಮಾಡುವ ಮೂಲಕ ಮನರಂಜನೆ ನೀಡಿದರು. ನಂತರ ವಿದ್ಯಾರ್ಥಿಗಳ ಆಟೋಟಗಳು ಆರಂಭಗೊಂಡವು. ಮಧ್ಯಾಹ್ನ ಊಟದ ವ್ಯವಸ್ಥೆಯನ್ನು ಮಾಡಲಾಗಿತ್ತು. ಸಂಜೆ  ಸರಿಯಾಗಿ 5.30ಕ್ಕೆ ಎಲ್ಲಾ ಕ್ರೀಡೆಗಳು ಮುಕ್ತಾಯಗೊಂಡವು. ಹಲವಾರು ಮಕ್ಕಳು ಸ್ಪರ್ಧೆಯಲ್ಲಿ ಭಾಗವಹಿಸಿ ಪ್ರಶಸ್ತಿ ಪಡೆದುಕೊಂಡರು. ಕೊನೆಗೆ ಶಿವಾಜಿ ತಂಡವು ಅತೀ ಹೆಚ್ಚು ಅಂಕ ಪಡೆದು ಮೊದಲ ಸ್ಥಾನ ಪಡೆಯಿತು. ಎಲ್ಲಾ  ರೀತಿಯ ವೈಯಕ್ತಿಕ ಹಾಗೂ ಗುಂಪು ಪ್ರಶಸ್ತಿ ನೀಡಿದರು.  

ವೇದಿಕೆಯಲ್ಲಿ ಅಥಿತಿಯಾಗಿ ಚಂದ್ರಹಾಸ್ ಶೆಟ್ಟಿಗಾರ್, ದಯಾನಂದ ಶೆಟ್ಟಿ, ಶೇಖರ್ ಶೆಟ್ಟಿ, ರಾಜೀವಿ ಪೂಜಾರ್ತಿ, ಸುರೇಶ್ ಕುಲಾಲ್, ಶಾಲೆಯ ಸಂಚಾಲಕರಾದ ವಿಜಯ ಚೌಟ, ಪ್ರಾಚಾರ್ಯರಾದ ರಮ್ಯಾ ಶೆಣೈ, ಮುಕ್ಯೋಪಾಧ್ಯಯಿನಿ ಜಯಶ್ರೀ ಶೆಣೈ, ಸುನಿತಾ, ಅನುಷ ಹಾಗೂ ಹಳೆ ವಿದ್ಯಾರ್ಥಿ ಶಾನ್ ಸ್ಕ್ವೇರಾ ಉಪಸಿತರಿದ್ದರು. 

ಕೊನೆಯದಾಗಿ ರಾಷ್ಟ್ರಗೀತೆ ಹಾಡುವ ಮೂಲಕ ಕಾರ್ಯಕ್ರಮವು ಮುಕ್ತಾಯಗೊಂಡಿತು.